Workplace Meta-სგან არის Meta-ს მიერ შექმნილი ონლაინ პლატფორმა, რომელიც მომხმარებლებს საშუალებას აძლევს, სამსახურში ითანამშრომლონ და გაუზიარონ ინფორმაცია. Workplace-ის პლატფორმა მოიცავს Workplace-ის ვებსაიტებს, აპებსა და დაკავშირებულ ონლაინ-სერვისებს, ერთად „სერვისი“.

წინამდებარე კონფიდენციალურობის დებულებაში აღწერილია, თუ როგორ ხდება თქვენ მიერ სერვისით სარგებლობისას თქვენი ინფორმაციის შეგროვება, გამოყენება და გაზიარება.

სერვისი განკუთვნილია ორგანიზაციების მიერ და მათი ინსტრუქციების შესაბამისად გამოსაყენებლად და მოგეწოდებათ თქვენი დამსაქმებლის ან სხვა ორგანიზაციის მიერ, რომელმაც მოგანიჭათ სერვისზე წვდომისა და გამოყენების უფლებამოსილება (თქვენი „ორგანიზაცია“).

სერვისი განცალკევებულია Meta-ს სხვა სერვისებისგან, რომლების გამოყენებაც შეგიძლიათ. Meta-ს აღნიშნული სხვა სერვისები უზრუნველყოფილია Meta-ს მიერ და რეგულირდება მათი საკუთარი პირობებით. თუმცა, სერვისს უზრუნველყოფს თქვენი ორგანიზაცია და რეგულირდება წინამდებარე კონფიდენციალურობის დებულებით და Workplace-ის მისაღები გამოყენების დებულებით და Workplace-ის ქუქი-ფაილების პოლიტიკით.

თქვენი ორგანიზაცია პასუხისმგებელია და მართავს Workplace-ის თქვენს ანგარიშს („თქვენი ანგარიში“). თქვენი ორგანიზაცია ასევე პასუხისმგებელია ნებისმიერი მონაცემის შეგროვებასა და გამოყენებაზე, რომელსაც თქვენ წარადგენთ ან მიაწვდით სერვისის მეშვეობით და ასეთი გამოყენება რეგულირდება იმ პირობებით, რომლებიც თქვენს ორგანიზაციას აქვს Meta-სთან დაკავშირებით.

წინამდებარე კონფიდენციალურობის დებულების გარდა, თქვენს ორგანიზაციას შეიძლება ჰქონდეს დამატებითი დებულება ან ქცევის კოდექსი, რომელიც გავრცელდება თქვენ მიერ სერვისით სარგებლობაზე.

თუ გაგიჩნდათ რაიმე შეკითხვა სერვისის გამოყენებასთან დაკავშირებით, გთხოვთ, დაუკავშირდეთ თქვენს ორგანიზაციას.

I. რა ტიპის ინფორმაცია გროვდება?

თქვენი ორგანიზაცია შეაგროვებს ქვემოთ მოცემული ტიპის ინფორმაციას, როდესაც თქვენ, თქვენი კოლეგები ან სხვა მომხმარებლები შედიხართ სერვისზე:

თქვენი საკონტაქტო ინფორმაცია, როგორიცაა სრული სახელი და ელექტრონული ფოსტის მისამართი;
თქვენი მომხმარებლის სახელი და პაროლი;
თქვენი სამუშაოს დასახელება, დეპარტამენტთან დაკავშირებული ინფორმაცია და თქვენს სამუშაოსთან ან ორგანიზაციასთან დაკავშირებული სხვა ინფორმაცია;
შიგთავსი, ინფორმაცია დამყარებული კომუნიკაციების შესახებ და სხვა ინფორმაცია, რომელსაც თქვენ გვაწვდით სერვისის გამოყენებისას, მათ შორის, ანგარიშის შექმნის მიზნით დარეგისტრირებისას ან შიგთავსის შექმნისას, ან გაზიარებისას, შეტყობინების გაგზავნისას, ან სხვებთან კომუნიკაციის დამყარებისას. აღნიშნული შეიძლება მოიცავდეს თქვენ მიერ მოწოდებულ შიგთავსში ან მის შესახებ არსებულ ინფორმაციას (მაგ., მეტამონაცემები), როგორიცაა ფოტოს მისამართი ან ფაილის შექმნის თარიღი;
შიგთავსი, ინფორმაცია დამყარებული კომუნიკაციების შესახებ და ის ინფორმაცია, რომელსაც სხვა ადამიანები სერვისის გამოყენებისას გვაწვდიან. აღნიშნული შეიძლება მოიცავდეს ინფორმაციას თქვენ შესახებ, მაგალითად, როდესაც ისინი აზიარებენ ან კომენტარს აკეთებენ თქვენს ფოტოზე, გიგზავნით შეტყობინებას, ან ტვირთავს მას, სინქრონიზაციას ახდენს, ან გადმოაქვს თქვენი საკონტაქტო ინფორმაცია;
ყველა კომუნიკაცია სერვისის სხვა მომხმარებლებთან;
მომხმარებლის კომუნიკაცია, გამოხმაურება, წინადადებები და იდეები, რომლებით თქვენს ორგანიზაციასთან არის გაგზავნილი;
ინფორმაცია ბილინგის შესახებ; და
ინფორმაცია, რომელსაც თქვენ აწვდით, როდესაც თქვენ ან თქვენი ორგანიზაცია სერვისთან დაკავშირებით ამყარებთ კონტაქტს ან ერთვებით პლატფორმის მხარდაჭერაში.

II. როგორ იყენებს თქვენი ორგანიზაცია ამ ინფორმაციას?

თქვენი ორგანიზაცია გაუზიარებს შეგროვებულ ინფორმაციას Meta-ს, როგორც პლატფორმის პროვაიდერს, რათა Meta-ს მიეცეს საშუალება, უზრუნველყოს და მხარი დაუჭიროს სერვისს თქვენი ორგანიზაციისა და სხვა მომხმარებლებისთვის და თქვენი ორგანიზაციის ნებისმიერი სხვა ინსტრუქციის შესაბამისად. მსგავსი გამოყენების მაგალითებია:

სერვისის გამოყენებასთან დაკავშირებით მომხმარებლებთან და ადმინისტრატორებთან კომუნიკაცია;
თქვენი ორგანიზაციისა და სხვა მომხმარებლებისთვის სერვისის დაცვისა და უსაფრთხოების გაძლიერება, როგორიცაა საეჭვო აქტივობების ან მოქმედი პირობების ან წესების დარღვევის გამოძიების გზით;
თქვენი და თქვენი ორგანიზაციის გამოცდილების პერსონალიზაცია, როგორც ჩვენი სერვისის უზრუნველყოფის ნაწილი;
ახალი ინსტრუმენტების, პროდუქტების ან სერვისების შემუშავება სერვისში თქვენი ორგანიზაციისათვის;
სერვისზე აქტივობების დაკავშირება სხვადასხვა მოწყობილობებზე, რომლებსაც ოპერირებას უწევს ერთი და იგივე პირი, სერვისის საერთო ფუნქციონირების გასაუმჯობესებლად;
შეცდომების იდენტიფიცირება და გამოსწორება; და
მონაცემთა და სისტემის ანალიტიკის ჩატარება, მათ შორის კვლევის გაუმჯობესების მიზნით.

III. ინფორმაციის გამჟღავნება

თქვენი ორგანიზაცია ამჟღავნებს შეგროვებულ ინფორმაციას შემდეგი გზებით:

მესამე მხარის სერვისის პროვაიდერებთან, რომლებიც ეხმარებიან სერვისის ან სერვისის ნაწილის უზრუნველყოფაში;
მესამე მხარის აპებთან, ვებსაიტებთან ან სხვა სერვისებთან, რომელთაც შეგიძლიათ დაუკავშირდეთ სერვისის მეშვეობით;
მნიშვნელოვან კორპორაციულ ტრანზაქციასთან დაკავშირებით, როგორიცაა სერვისის გადაცემა, შერწყმა, გაერთიანება, აქტივების გაყიდვა ან გაკოტრების, ან გადახდისუუნარობის ნაკლებად სავარაუდო შემთხვევაში;
ნებისმიერი ადამიანის უსაფრთხოების დაცვისთვის; თაღლითობის, უსაფრთხოების ან ტექნიკური საკითხების მოსაგვარებლად; და
გამოძახებასთან, ორდერთან, აღმოჩენის ბრძანებასთან ან სამართალდამცავი უწყების სხვა მოთხოვნასთან, ან ბრძანებასთან დაკავშირებით.

IV. თქვენს ინფორმაციაზე წვდომა და მისი შეცვლა

თქვენ და თქვენს ორგანიზაციას შეგიძლიათ სერვისში თქვენ მიერ ატვირთულ ინფორმაციაზე წვდომის მიღება, შესწორება ან წაშლა სერვისში არსებული ხელსაწყოების გამოყენებით (მაგალითად, თქვენი პროფილის ინფორმაციის რედაქტირება ან აქტივობის ჟურნალის მეშვეობით). თუ თქვენ არ შეგიძლიათ ამის გაკეთება სერვისში არსებული ხელსაწყოების გამოყენებით, თქვენს ინფორმაციაზე წვდომის მისაღებად ან მის შესაცვლელად პირდაპირ თქვენს ორგანიზაციას უნდა დაუკავშირდეთ.

V. ევროკავშირი-აშშ-ის მონაცემთა კონფიდენციალურობის ჩარჩო

Meta Platforms, Inc.-მა დაადასტურა თავისი მონაწილეობა ევროკავშირი-აშშ-ის მონაცემთა კონფიდენციალურობის ჩარჩოში. ჩვენ ვეყრდნობით ევროკავშირი-აშშ-ის მონაცემთა კონფიდენციალურობის ჩარჩოს და ევროკომისიის შესაბამის ადეკვატურობის გადაწყვეტილებას ინფორმაციის გადაცემისთვის Meta Platforms, Inc.-ში აშშ-ში იმ პროდუქტებისა და სერვისებისთვის, რომლებიც მითითებულია ამ სერტიფიკაციაში. დამატებითი ინფორმაციისთვის გადახედეთ Meta Platforms, Inc.-ის მონაცემთა კონფიდენციალურობის ჩარჩოს გამჟღავნებას.

VI. მესამე მხარის ბმულები და შიგთავსი

სერვისი შეიძლება შეიცავდეს ბმულებს მესამე მხარის მიერ შენახულ შიგთავსზე, რომელსაც თქვენი ორგანიზაცია არ აკონტროლებს. თქვენ უნდა გადახედოთ თითოეული მონახულებული ვებსაიტის კონფიდენციალურობის დებულებას.

VII. ანგარიშის დახურვა

თუ სერვისის გამოყენების შეწყვეტა გსურთ, თქვენს ორგანიზაციას უნდა დაუკავშირდეთ. ანალოგიურად, თუ თქვენ შეწყვეტთ მუშაობას ორგანიზაციაში ან ორგანიზაციასთან ერთად, ორგანიზაციას შეუძლია შეაჩეროს თქვენი ანგარიში და/ან წაშალოს თქვენს ანგარიშთან დაკავშირებული ნებისმიერი ინფორმაცია.

როგორც წესი, ანგარიშის დახურვის შემდეგ ანგარიშის წაშლას დაახლოებით 90 დღე სჭირდება, მაგრამ ზოგიერთი ინფორმაცია შეიძლება დარჩეს სარეზერვო ასლებში გონივრული ვადის განმავლობაში. გთხოვთ, გაითვალისწინოთ, რომ შიგთავსი, რომელსაც თქვენ ქმნით და აზიარებთ სერვისში, ეკუთვნის თქვენს ორგანიზაციას და შეიძლება დარჩეს სერვისზე და ხელმისაწვდომი იყოს მაშინაც კი, თუ თქვენი ორგანიზაცია გამორთავს ან შეაჩერებს თქვენს ანგარიშს. ამგვარად, შიგთავსი, რომელსაც აწვდით სერვისზე, მსგავსია სხვა ტიპის შიგთავსისა (როგორიცაა პრეზენტაციები ან შენიშვნები), რომელიც შეგიძლიათ შექმნათ თქვენი მუშაობის პროცესში.

VIII. ცვლილებები კონფიდენციალურობის დებულებაში

კონფიდენციალურობის დებულებაში შეიძლება დროდადრო ცვლილებები შევიდეს. განახლების შემდეგ ქვემოთ მოცემული „ბოლო განახლების“ თარიღი შეიცვლება და ახალი კონფიდენციალურობის დებულება ონლაინ გამოქვეყნდება.

IX. დაკავშირება

თუ გაგიჩნდათ რაიმე შეკითხვა წინამდებარე კონფიდენციალურობის დებულების ან Workplace-ის მისაღები გამოყენების პოლიტიკის თაობაზე, გთხოვთ, დაუკავშირდეთ თქვენს ორგანიზაციას თქვენი ორგანიზაციის ადმინისტრატორის მეშვეობით.

კალიფორნიის მაცხოვრებლებისთვის: შეგიძლიათ გაიგოთ მეტი თქვენი მომხმარებლის კონფიდენციალურობის უფლებების შესახებ, დაუკავშირდით თქვენს ორგანიზაციას თქვენი ორგანიზაციის ადმინისტრატორის მეშვეობით.

ბოლო განახლება: 2023 წლის 10 ოქტომბერი